dodoezz435 Günlüğü, 06 Haz 18

ف الاول كان التفكير ف نزول الوزن مجرد صدفة اقترحها عليا دكتور.. وكنت مقتنعه بشكلى وانا وزنى 88..
لكن لما نزل وزن حسيت بالفرق الكبير ف صحتى وبعد ما حبيت الرياضة يوميا بقت تمثلى سعادة ولو بطلت يوم ادايقك اوووى.
وبعدها بدأت اقرا افهم تكوين الجسم واحتياجاته ويعنى ايه اكل مضر واكل مفيد وبعدها بقى تفكيرى ازاى اخلى معظم اكلى صحى عشان صحتى مستقبلا مش عشان الوزن وبس ..
اتطور الموضوع معايا لما بقيت علطول ع اليوتيوب اتابع دكاترة واحاول افهم وبدأت اعرف ان كل حاجة طييعية خلقها ربنا مفيدة والضرر بييجى من صنع الإنسان..
ابتديت التغير ف حاجات تانية غير الاكل .. بطلت استعمل شامبو الشعر وعملت شامبو من حاجات مفيهاش اضرار الشامبو إللى بشتريه وبطلت كل انواع الكريمات للبشرة والشعر الغاليين اوى إللى كنت بطلبهم من اى حد مسافر وكنت فاكرة انى كده بجيب حاجات كويسة وطلع كل الحاجات دى فيها حاجات مضرة وبدأت اعمل حاجات لبشرتى وشعرى من مواد طبيعية .. ودى مش النهاية انا قررت ادرس الاعشاب وكل حاجة ربنا خلقهالنا ف الطبيعة واحنا مش عارفين قيمتها وبنجرى ورا الأسماء الغالية اللى كلها مواد كيميائية مضررررة ...
ارجعوا للطبيعة عشان صحتكوا👌