nsns19 Günlüğü, 13 Eki 18

كأني أنا اللي بتكلم نفس الشيء بالضبط حصل معايا واكتشغت انه لا يصلح لي إطلاقا 

شوفي ياقمر النظام الصح هو النظام الي ترتاحي عليه ويكون مناسب ظروفك وطبيعة نومك وشغلك وحياتك المهم مايكونش ناقص اي عنصر مهم للجسم والمهم مايكونش فيه اي حرمان بصي انا هاشرحلك يومي بيبقي اذاي انا بفطر نصف رغيف واي غموش وشاي وخيار وطماطم او من غير وساعات فاكهه وزبادي كورن فليكس ولبن اي حاجة حباها بفطر بيها بس بحطها من ضمن السعرات السناك باخد كل ساعتين سناك مثلا فطرت 8 يبقي السناك الاول 10/12/2 وهكذا السناك مرة ثمرة فاكهه نرة شاي بلبن مرة زبادي مرة خيار مرة معلقة جبنة اي حاجة اكلها المهم كله من السعرات وبتغدي احيانا 6/7 يتعني من 10 ص للوقت داه مقضياه سناكات علشان ماجوعش والعشا علي 9/10 علبتيم زبادي وساعات فاكهه زبادي وخيار المهم المقصود انك تمشي عالنظام الي نفسيتك حباه وتتأقلمي معاه شرط مايكونش حرمك من اي حاجة علشان وقت ماتسبيه او توقفي شوية ماتلاقيش نفسك كل شوية بتزيدي بشكل مخيف لانه اتحرم من حاجة معينة ولما رجعتلها رجع هو يخزن دهون تاني ربي يوفقك 

مش لازم 2 سناك ممكن 10 مرات سناك بس تختاريهم صح وكله من سعراتك 

برافو كلام صحيح كأني أنا إلي كتبت 😍 أنا امبارح علقت على الموضوع بنفس الطريقه مبدأ هاد النظام تشغيل الحرق بس مش فعال لانو بيجوع وبيملل الصيام المتقطع هوه الأروع لأنه بيسيطر على الجوع بينزل الوزن بسرعه والأكل بيكون بوقت محدد مش طول اليوم أنا مرات بكون خلصت ساعات الصيام وناسيه انه صار وقت الأكل 👍 زهراء ادخلي على جوجل أقرئي عن الصيام المتقطع مش الصيام العكسي  

عارفاه يا نادين الي هو صيام 16 ساعة واكل في 8 ساعات من ضمن ال 16 ساعة وقت النوم انا مشيت عليه مرة بس لاني بسهر مانسبنيش انا باكل كل ساعتين لحد قبل النوم بساعتين تلاتة فبلاقي نفسي باكل في 12 ساعة مثلا وبصوم 12 ساعة داه مناسب اكتر ليا 

طيب ايه نظام الاكل بتاكلى ايه يعنى فى الصيام المتقطع 

أستاذ أحمد للأسف ده اللي حصل مع أن معظم الناس عاوزين يقنعوني ان ده الصحي 

زهرة ايوا جدا دلوقتي الحمد لله كل بقى تمام 

نادين، مانا بعد ما شفت تعليقك امبارح افتكرت اللي حصل معايا. الحمد لله على كل حال 

nsns معاكي حق في إنه لأ طبعا مش صحي لأن الإنسان في العصور القديمة مكنش عنده ثلاجه لتخزين الطعام وكان بيعنمد على البحث عنه وبيجوع فترات طويلة فجسم الإنسان مؤهل للجوع والصيام وده الصحي ليه أنا رأيي إن لازم جوع علشان يحصل حرق لكن مش جوع مستمر لفترات أطول من اللازم لأن الجسم مش مخلوق علشان يهضم ويستخلص مكونات الطعام ويحرق من المخزون ويخزن الجديد وكل ده في نفس الوقت هو يا إما بيحرق من الجديد ويخزن يا إما معندوش جديد فبيحرق من المخزون يا إما تعبان ومجهد وجعان زيادة عن اللزوم وبالتالي مقلل الحرق على الآخر فكرة الأكل "عمال على بطال" طول النهار والليل حتى لو في حدود سعراتي جربتها فترة وكنت مش حاسس بنتيجة غير إني مش بفكر غير في الأكل طول الوقت في المقابل الصوم مع الأكل باعتدال وبشكل صحي حققلي أعلى معدل نزول وزن من غير شعور بالحرمان الاعتدال والوسطية مطلوبين في كل شيء 

مش شرط بينفع مع ناس و مبينفعش مع ناس تانية و الصيام المتقطع كذلك 

بصي هو انا رأيي كواحده اتمرمطت عند الدكاتره 😂😂😂 النظام ده كان اول تطور حصل في نظام ورق الدكاتره 📄 يعني من وانا 13 سنه مثلا لحد 18 سنه كنت بروح للدكتور يقولي ممنوع الاكل بين الوجبات ممنوع تبديل وجبه بأخرى ممنوع حذف شئ من الجدول واضافة شيء اخر 😂😂 الاكل في اوقات محدده ممنوع النشويات والسكريات ممنوع الارز والمكرونه والعيش والسكر الابيض المشي ساعه يوميا شرب 3لتر ماء يوميا انا تقريبا حفظت الورق والله وما كنت ببص فيه بعد ما انزل من عند الدكتور لأني بكون حزينه وزعلانه من نفسي اني خسيت كيلو ونص في الاسبوع وماشيه سرحانه افكر هو انا لخبطت في ايه؟ 😂😂 زكرايات بقى 😂😂😂😂 المهم نمنا وصحينا لقينا في دكاتره الجيل الجديد 👍👍 اللي تروحي عندهم يقولولك كلي رز مسلوق وكلي 5 وجبات تحسي ان الدكتور عملنا صدمه كدا معقوله هاكل كل ده واخس  

ولازال هذا الموضوع يلاقي رواجا عظيما يا سيدتي 👍👍 لأنه النظام الوحيد اللي قدر انه يتوافق مع رغباتنا وشهواتنا المكبوته وفضل يتطور ويتطور وكمان يتطور وطلع منه اشكال كتير زي نظام اللقيمات ونظام حساب السعرات ونظام اكل كل حاجه واي حاجه في اي وقت طالما انا باكل كميات صغيره وبعدها دخل عصر النهضه مع الاخت سالي فؤاد والدكتوره راداميس وماجد زاتون ولسه الموضوع بيتطور ويتطور انا جربت كلللللللللل ده في فتره 15 سنه من عمري وكل مره كنت بخس 10او 20ك واتعب 😞😞 

لكن لما فهمت نظام الانسولين في الجسم والاكل بيعمل ايه في جسمي اول ما اكله وذاكرت وفهمت كيمياء جسمي فهمت يا nsns اللي انتي بتقولي عليه المشكله بقى 😂😂 انك وانتي ماشيه في وسط العمر ده كله ومجربه كل تقليعه وفكر جديد في الموضوع يطلع حد يقولك لا نظام اللقيمات مثلا مع احترامي هو انجح نظام والباقي غلط ومضر على الجسم ولا نظان قرطاي مافيش زيه او نظام الكيتو هو اللي فيهم الفكره مش كدا الفكره انك تختار النظام الصحيح اللي يتماشى معاك بغص النظر عن انت مصدق في ايه يعني ممكن تقتنع بنظام ال 5 وجبات لكن مخليك جعان طول اليوم لكن انت مقتنع بيه لكن مش عارف تكمل ونفضل نلف في دواير بقى 😂😂😂 جرب الجديد وافهمه كويس الاول مع الوضع في الاعتبار ان كل الانظمه كويسه وكل الانظمه متجربه وناس كتير حول العالم خسوا عليها ومكانتش اتشهرت ولا انتشرت الا وهي ناجحه لكن بتختلف من شخص للتاني لازم نفهم الاول وبعدين نختار الصح فين 👍👍👍👍 

صح جدا يا بسمة انا اللي معصبني ان ناس عاوزة تفهمك ان هو ده صح و مافيش غيرو و كمان ايه😂 عاوزين يقنوعني ان ده بيشبع 😂 يا ستي جربتها اهو و ما شبعتش😂 عاوزة تقنعيني ازاي اني هشبع. انتي شبعت مبروك انا بقى مابشبعش من 40 جرام فريك ع الصبح😂😂😂 انتي شبعت مبروك😂 و القواعد كدة كلنا بنسمعها اللي هي لااااازم ناكل اول ما نصحى و الا خلاص هنموت😂😂 و كمان ايه لازم اول ساعة بعد النوم😂 يعني لو ساعة و خمس دقايق لأ😂 ممنوووووووع هنائيا أي حاجة مش صحية حتى لو الشكولاتة الداكنة . و عاوزين يفهموني ان كدة مافيش حرمان😂😂 و اني كدة مش هبقى عاوزة اي حاجة برة النظام بتاعي😂 قطعولي السكر بالمرة😂 و خربتها ف الشهر التاني😁 بس الحمد لله الواحد يتعلم . دلوقتي مافيش حاجة اسمها ممنوع، اكيد 30 جرام بسكويت ف اليوم او يومين مش هيدمرولي كل حاجة مادامت ف حدود المسموح. 😆 

و ممنوع استبدال وجبات دي هتجنني😠 مع ان ساعات كتير عندي كان عندي فطار و سناك واحد😁  

لا ده خدي الكبيره بقى 😂😂 كنت عند دكتور ربنا يمسيه بالخير بقى 😂😂 مانع البسلة الخضراء والفلفل الالوان والقرنبيط والشمام والبطيخ والخس الكابوتشي والكرنب الكابوتشي والطماطم والخيار واحده بس في اليوم وتقريبا معظم الخضراوات عالية النشويات ممنوعة والفاكهة كلها ممنوعه ما عدا البرتقال والجريب فروت والتفاح الاخضر فقط والغريبه يا بنتي تروحي خاسه كيلو مثلا... يقولك لخبطتي في ايه؟ انا مديكي نظام يخسس 3 ك في الاسبوع افضل اعصر دماغي انا فعلا ما لخبطتش ولا بدلت وجبات وملتزمه جدااا يقولك بتشربي مايه كتير؟ اقوله اه بشرب كتير ويقولي لا مش بتشربي لدرجة قسما بالله يابنتي عصبني خلاني ظبطت المنبه اللي في الموبايل كل ساعه يرن يفكرني اني اشرب مايه بمعدل كل ساعه كوب ماء ورحتله ساعتها ملتزمه وشاربه مايه وإيه بقى عسل هههههههههه لقيت نفسي زايده كيلو بقيت ناقصه اضربه بالنار وريتله المنبه واقسمتله بفروض الولاء والالتزام 🙌🙌 قالي انتي بتمشي ساعه في اليوم؟ هو المشي اللي بيخليكي ما تخسيش امشي ساعه في اليوم وفعلا مشيت.. بس من العياده ومارجعتلوش تاني 😂😂😂 ياه زمن العيادات الجميل 😊😊 

😂😂😂😂😂😂😂😂😂😂😂 

😂😂😂😂😂😂😂😂 

الحمد لله يا معالى الباشا عملت كل اللى قاله الدكتور وكان عذاب ونزلت من٩٧ ل ٧٩ يعنى١٨ كيلو ف ٦ شهور😍😍والحمد لله سعادتك زدتهم واكتر فشهرين بالظبط 😭😭😭رجعت ٩٩ مع انى والله بقيت باكل العادى ملخبطتش يعنى وندمت ندم عمرى وحالياً عالكيتو نزلت من ٩٨ حالياً ٨٦ يعنى ١٢ كيلو فشهرين ولخبط فيهم كتير بس الحمد لله ربنا استر طريقك 😂😂😂😂😂وكمان بقالى شهر بلخبط وباكل الاكل العادى جداً 🐒🐒طلعت لل٨٨ 😱ومن نفسى بوزن لقيتنى خسيت تانى لل ٨٦ 🙈عارفة اكتر من زعلى عاللى فات🙃 هوه فرحتى انى فهمت جسمى وهوه بيحب ايه ومبيحبش ايه😇وبقيت لما بزود اكل فيوم من نفسى بنقص اليوم اللى بعده☺️والله العيادات دى افشل مشروع فالدنيا للى معندهوش ارداة ومش فاهم جسمه ولا بيسمعله 😥جسمى تعب من كتر الاكل الكتير اللى كتبهولى كنت حاسة احساسك انى عايشة عشان اكل ايوه ده بيعلى الحرق بس لما بترجعى لطبيعتك انتى مش بتاكلى كتير دى طبيعة جسمك اللى ربنا خلقها عشان كدة بستحمل الصيام المتقطع وبفضل احيانا ١٨ ساعه من غير اكل ومش بحس بجوع هيا دى طبيعة جسمى🙊🙊مش اكل ٣ مرات وسناكين ىيقولولى ده الصح يمكن الصح ليهم بس مش كل اللى ينفع غيرك ينفعك مش كل الناس شبه بعضها ولو كلها تنفع لكل الناس مكناش هنبقى شعوب وقبائل وكل واحد ليه شكل ولون غير التانى يا ستى ده الاخوات بيختلفو فالمقاسات😂😂😂اللى بيعوز يعمل حاجة بيعملها ولو كنت انا مش فاهمة جسمى ومش واثقة فيه يبقى ازاى الدكتور هوه اللى هيفهمه😂😂لو كدة يبقى اتجوز الدكتور عشان يعيش معايا العمر كله وملخبطش😂😂😂😂😂😂