أولا عجز السعرات بيبقي تقليل النشويات والدهون و زياده البروتين أو الثبات علي نسبه مناسبه من البروتين
ثانيا في عجز السعرات بنحسب المجهود المبذول خلال اليوم وبعدها سعرات الثبات ومن سعرات الثبات بننقص ، السعرات إللي بتتحرق في التمرين مش بتتحسب معانا
ثالثا 500 سعره دي أعضاء جسمك مش هتعرف تشتغل ونسبه هبوط في الدوره الدمويه هتبقي بسرعه البرق ، ده كده مش عجز سعرات ده كده انتحار بالبطئ ، عجز سعرات يعني زي مانت قولت 2000 سعره بنقص منهم في الأول 100 سعره و بستمر فتره تشوف فيها جسمك نزل ولا لا ، لو نزل تستمر عليه لحد ما تلاقي جسمك بطل ينزل ف تقوم منقص كمان 100 و هكذا تستمر ل الحد الأقصى 1000 سعره بس 1000 سعره دي ليها نظام هو أقصى نظام ع الكوكب إسمه PSMF بيعتمد علي الصوديوم و بروتين فقط مفيش مصدر نشا غير من الخيار وملكش آكتر من خيارين فاليوم و شرب مياه آكتر من 5 لتر ف ده لا ينصح بيه نهائي لواحد مش لاعب كمال أجسام ، احنا عايزين نخس بس ف خلينا في الحد الأقصى الطبيعي 1500 سعره و طبعا زي ما بقولك بتتاخد بالتدريج
أو الحل التاني إللي بنصح بيه آكتر نظام ال Carb Cycle إنك بتاكل مثلا يوم 100 جرام رز و 75 جرام شوفان اليوم إللي بعده 75 جرام رز و 50 جرام شوفان و اليوم إللي بعده 50 جرام رز و 25 جرام شوفان و تعيد الاسبوع وهكذا يعني
ولو حابب تشوف فيديوهات توضح أحسن عندك حسين انفورما شرح الاتنين كويس
اتمني اكون فدتك
02 Haz 23 üye tarafından:
Ammar Hani