Dina A. Goda Günlüğü, 18 Eyl 24

بصي يا دودي هو مش صحي لان فيه مادة مبيضة ودي غلط على صحة الانسان وكمان فيه انواع مضاف فيها سكر فالاكثار منه مش كويس يعني واحدة كل يومين عادي مش هتأثر على الوزن ولا هتوقف الحرق بس هتضر جسمك مع مرور الوقت  

لو استخدمتي البلاك وانت زودتي الحليب الي يعجبك افضل وخلي المكسات دي للضرورة بس لو على طريق مثلا ولا في كافيه ومافيش غيره ولا في مرة الحليب خلص وخلااااص لازم تشربي المج بتاعك كدا يعني مايبقاش حاجة أساسية  

بسمه وفت وكفت 👏👏 ولو مضطره خارج البيت 2*1 وسكر دايت عليه وطبعا نسكافيه مقاطعه في ماركات مصريه او تركي ولو عاوزه نفس الطعم الكريمي نسكافيه بلاك مصر كافيه وحليب مكثف غير محلى او كريمة خفق او طهي بيكون طعمه عظمه 💖 

ايوه متنسيش المقاطعه اهم حاجه عندك دول الانواع الي انا بجيبها تحفه و مصريين ISIS و Abu auf و masr cafe و rose garden  

أولا أنا مش بشترى من المقاطعة انا اصلا مش بحب نسكافيه انا بحب مصر كافيه وكوفى بريك ويونى كافيه منتج جديد لسة مش معروف أوى بس حلو * ثانيا أنا بشرب ٢ أو ٣ فى اليوم لأن فى شغلى مفيش إتاحة اللبن وكدة ومواعيد شغلى كبيرة ١٠ ساعات والمواصلات ١٢ ساعة رايح وساعة جاى 😭 

مستحيل اقعد ١٢ ساعة برة البيت ومشربش حاجة او اتنين ودة المتاح للأسف أما بالنسبة للسكر الحمد لله بشرب من غير سكر او لو ٣*١ بكتفى بالسكر بتاعه انا بس سمعت أنه بيوقف الحرق كان دكتور دايت كنت متابعة معاه قبل كدة قالى واحد فى الأسبوع أو ٢ بالكتير علشان بيوقف الحرق بس كنت عاوزة اتاكد  

شوفي يا دينا ممكن تاخدي معاكِ الحليب في مج حراري مثلا او حتى برطمان او ممكن تشتري علب حليب سادة زي علب العصير كدا جهينة او المراعي وتعملي القهوة سريعة الذوبات انا اختصارا بقول نسكافيه انا بجيب منتج مصري من اريبيا ماقصدش المنتج نفسه المهم تعمليه بلاك وتضيفي الحليب عادي ، لو فيه امكانية عندك او في الشغل تجيبي كتل صغير او كنكة القهوة الكهربائية دي وسخني فيها الحليب مثلا يعني  

ممكن للضرورة مش اكتر وبدلية بالبلاك وضيفي حليب احسن ❤ 

بصي اعملي زي هاتي نسكافيه بلاك عادي و كوب لبن عادي واعمليه بالسكر المسموح ليكي او هاتي ال ٢*١ بس بلاش تكتري منه 

للاسف ممنوع عندنا ماكينة القهوة الماج دى لو هتحتاج مشروب تشرب من المكان نفسه ومفيش حاجة متاحة غير البويلر اللى هو أخرك المياه السخنة على النسكافيه أو الشاى وشكرا تحس ان احنا مسجونين بس شغلى بقى مضطرة  

يبقا يا دينا أعملي زي ماقولتلك كدا خدي معاك الحليب واعملي النسكافيه بلاك خلي نص المج ماية سخنة وزودي عليه الحليب بس طبعا مش هيبقا سخن اوي وانا واحدة من الناس لازم اشرب الحاجة سخنة خالص فلو انت منهم كمان فيه حل تاني ، إنك تجيبي حليب بودر خالي الدسم وتعملي المج الحلو بتاعك بالكافيه البلاك وبعدين تحطي الحليب الباورد حسب ماتحبي بس اتاكدي ان الحليب خالي الدسم لان البودر العادي بيتخن جدا