dodoezz435 Günlüğü, 03 Tem 18

بجد شااابو 🎩
للناس إللى واخدة الموضوع بجدية وعقل وتفكير وبتقرا وتفهم وخايفة على صحتها وشكلها وعندها اصرار وعزيمة مهما قابلتها عواقب.. ودول ماشاء الله كتير هنا ❤
بس يا جماعة من غير زعل الناس إللى مش هاين عليها تتعب شوية او تتحمل شوية او يبقى عندها إرادة قدام الأكل او الناس إللى عشان لخبطت يوم ولا اتنين خلاص تبطل دايت
انتوا هتندموا بعدين والله .. لانه الزيادة بعد كده هتبقى اكتر مع السن وتقليل الوزن هيبقى اصعب والصحة مش هتفضل زى ماهى ...
مش عاوز تلتزم بنوع من أنواع الدايت او مفيش نظام يمشى مع نظام حياتك سهلة شوف وافهم ايه إللى بيزود الوزن ولما يتحط اكل قدامك خد إللى ينفعك وبسسسس وسيب إللى هيزودك...
رز عيش مكرونة سكر .. دول إللى بييجى من وراهم البلاوى والله وطول ماهما ف اكلك كل يوم مش هينزل وزنك مهما عملت
والرياضة مش صعبة ولو مرتين ف الاسبوع وف البيت شوية تمارين من اليوتيوب .. ارقص زومبا والله بتحرق الدهون وتدى سعادة 😍
خد الموضوع بفرحة انك بتنجز حاجة مش مشكلة وهم وخوف ولما تلخبط ايه المشكلة كمل تانى كلنا كده
خافوا على صحتكوا .. وشكلكوا إللى مع السن السمنة هتخليه الضعف 👌

70 kg Bugüne kadar kayıp: 18 kg.    Geriye kalan: 0 kg.    Diyet Takibi: Oldukça İyi.