amalmohamedsalah92 Günlüğü, 25 Tem 24

السلام عليكم ورحمه الله وبركاته على العكس تماما لازم تعملي رجيم و لازم تعملي مجهود الفكره ب ببساطه تبحثي عن طبيب آخر فكره القفز مباشره الي تكميم المعده دا كلام خطير لأن المخاطر فيه عاليه لازم الاول نحاول في حاجات تانيه مش نقفز الي اعلي السلم من أول دقيقه استشيري أكثر من طبيب و ابتعدي عن هذا الطبيب ان بعض الظن اثم استشيري مش واحد اكتر من واحد 

بصي ياقمرايه انا هاحكيلك تجربتي كمريضه سكر الدرجه التانيه بقالي ٢٠ سنه ...مع احترامي الشديد ده مش دكتور ده علي الله حكايته ... انا كان اعلي وزن ليا كان ٩٧ كيلو ... وطبعا الدكتور طلب مني اخفف وزن وطبعا طلب اخفف اكل خالص واداني نظام صارم جدا .... وتقريبا منع كل الاكل عني ...بقيت اهبط وسكري يقل وادوخ واتعب ... ووصلت ل ٨٥ ووزني وقف نزول وفضلت كدة سنين .... رحت لدكتور سكر وغدد صماء تاني ...لقيت التراكمي ٩ وانا من كتر قله الاكل ضربتها جزمه وكبرت دماغي وطالما مش تعبانه خلاص ... الدكتورة دي ادتني المعادله السحريه اكل البيت هو الخلاصه ...هاتاكلي في طبق واحد ...نص الطبق سلطه وربع بروتين وربع نشويات ... السكر معلقتين لو حبيت حاجه مسكرة ...لو هاكل فاكهه ...او شوكولاته بعد الاكل علي طول ...السناك مرة واحدة ...اصبح اكلي وجبتين وسناك وبين كل وجبه والتانيه ٥ ساعات مش اكتر ... بعدها في الزيارة التانيه بعد شهر ...لقيتني بااستغني عن السكر لوحدي باقلل مقليات لوحدي باقلل نشويات ...وبدلت النشويات البسيطه بمعقدة ...حمص ترمس عدس شوفان قمح كامل ...الخ لو جعتي زودي بروتين ...وابتدي بالسلطه بعدين البروتين والنشويات ... ماكنتش بازود عن ربع او نصف رغيف ....اساسي الشاي بلبن في اليوم كمشروب ... والحمد لله خسيت ٨ كيلو ووصلت ل٨٠ بدون عبئ الاكل المخصوص ...او الميزان اللي اوزن بيه الاكل ...او الاحساس بالذنب ...طبعا باضعف وبالخبط ...لكن مش باجلد نفسي ولا باكمل لخبطه ...ودايما لو نفسي او دماغي راحت لاكل هايتعبني باقول لنفسي جمله هي حفظتهالي الدكتورة ... انا هاكل اللي انا عاوزاه في اي وقت لو نفسي فيها ...بس ياتري انا نفسي فيها اوي ؟ هاتلاقي نفسك بترجعي عن اللخبطه وبتكماي ...ولو نفسك في حاجه فعلا ومش قادرة ...خدي حته بسيطه ارضي بيها نفسك وبس  

كلام جميل جدا جدا جدا ياسمين شفاكي الله وعافاكي وان شاء الله كلنا نعمل بالكلام دا لانه نظام حيان