amalmohamedsalah92 Günlüğü, 25 Tem 24

وعليكم السلام ورحمة الله وبركاته الف سلامه عليكي يا امال بلاش تقللي نفسك من كلام الدكتور انتي محتاجه تتابعي مع دكتور تغذيه شاطر ينظملك وجباتك المناسبه لحالتك مع الرياضه الدنيا هتظبط وبلاش تبني قرارات من زياره دكتور واحد بلاش تفكري في موضوع العمليه ده دايت صحي صح واستمرار ان شاء الله النسبه تنزل عندك بس انتي قلقتني كده علي نفسي انا نفس وزنك وموضوع الضغط الواطي ده ونشاف الريق عندي شكلي كده هروح اعمل سكر تراكمي نشوف الدنيا فيها ايه ربنا يستر  

وعليكم السلام ورحمة الله وبركاته تكميم 🤔🤔 107 مع احترامي الدكتور الي يقول مش هينفع نظام تغذيه واعملي تكميم وانتي مش اوفر اوفر ويت ده الله يهديه يابنت الحلال انا مريضة سكر فعلا من 20 سنه ومبخدش علاج حاليا علاجي النظام الغذائي ونازله من وزن 125 كجم مش 107 وحاليا 89 كجم وبنزل ببطء بس الحمد لله ظبطه سكري ومرتاحه الحمد لله امشي نظام لو كارب واعملي صيام متقطع مع الجيم ثلاث اشهر فقط واعملي التحليل مره اخرى ولن تري الا خيرا بلا تكميم بلا استخفاف بالعقول  

وبعدين التكميم بيحتاج نظام غذائي وتقليل اكل غصب عنك يبقى نعمله بمزاجنا احسن منغير في خلق الله  

الله يسلمك يا ام نوح ان شاء الله هروح لدكتور تانى النهارده برضوا وهنشوف هيقول ليه ايه لان الضغط كل يوم واطى ونفس الشكوى وربنا يسترها يارب اللهم امين 🤲 

شكرا يا ام حبيبه والله هو دا نفس الكلام اللى قولته ل جوزى بس اخواتى خايفين جدا من تعبى اللى كل يوم اكتر من اللى قبله ف حجزنا النهارده عند الدكتور تانى وان شاء الله هشوف هيقولى ايه لان جلدى بينشوف جامد من الرقبه لحد بطنى وضهرى مع نشفان البوق واللسان والضغط الواطى قلقانه جدا والله مع أن انا متابعه مع حد جلديه وبرضوا هى اللى خوفتنى من السكر اول واحده الحمد لله ع كل شىء والله وربنا هو الشافى ان شاء الله  

ربنا يصلح حالكم يارب ومتحرمش منكم شكرا ع الرد  

التراكمي كام ! ١٠٧ مش كتير أبدا وبالعكس دايما النصيحه بتبقى تظبيط الاكل والرياضه مش اعملي تكميم !! حاجه غريبه اوي كلمة تكميم وعمليه دي بحسها كبيره ليه حد يدخل ف ده كله لو عنده فرصه less invasive ! تابعي مع حد تاني برضو وظبطي نسبة الكارب ف أكلك وعدد وجباتك ومتقلليش سعرات كتير مرة واحده قللي بالتدريج والدنيا هاتتحسن واحدة واحدة  

انا شوفت اراء في الفترة الاخيره بتوضح ان عملية تكميم المعده خطأ جدا زي ماهو واضح في مصر كل حاجه بيبقه فيها الحلو والسيء كذلك الدكاتره انتي فقط محتاجه دكتور استشاري شاطر وفاهم أكتر تتابعي معاه  

ربنا يصلح حالكم يارب اللهم امين ان شاء الله هشوف الدكتور التانى هيقولى ايه النهارده والله ربنا هو الشافى ان شاء الله أملى ف ربنا كبير الحمدلله 🤲🥰 

السلام عليكم يا آمال شفاكي الله وعافاكي يا حبيبتى ❤️🤲 مع احترامي لشخص الدكتور اللى رحتيله لكن بصراحة علمه ميسواااش بصلة. حبيبتى أنا كنت 107.5 كيلو وسمنة مفرطة من الدرجة الثالثة وعندي عامل وراثي ف عيلتي جدتي ووالدي ومع ذلك الحمد لله مجاليش السكر بصي يا حبيبتى تابعي مع استشاري تغذية واقري على النت كتير بخصوص قابلية الجسم للسكري و ايه الأنظمة المناسبة ليه وانتى اصلا بتلعبي رياضة يعني عاااش 👏👏💪🌹 مع الصيام المتقطع هيجيب معاكي نتيجة حلوة جدااا ونسبة السكر هتتظبط لوحدها .. تواصلي مع أم حبيبة هي ماشية بنظام الصيام المتقطع مع لوكارب وجايب معاها نتيجة جميلة جداااا وأهم من دا كله نفسيتك متتأثرش ومتخليش كلام الدكتور دا يحبطك عملية تكميم ايه اللى بيتكلم عليها .. حسبي الله ولا علشان يقصر ويجيب من الآخر الموضوع نفسيتك ثم نفسيتك ثم نفسيتك ثم نظام غذائي كويس يناسب حياتك وامكانياتك تقدري تستمري عليه ويبقي روتين لحياتك وكمان مرة ألف سلامة عليكي يا ااامول 🥰❤️ 

الدكتور كريم علي كان بيتكلم عن التكميم وإزاي هو مضر في حق البشريه أصلاً وإن عواقبه مش بتظهر وقتها لكن بتظهر ع المدي البعيد وإن الجزء المستأصل من المعده ده بيكون مسؤل عن إنتاج فيتامينات معينه زي B12 وفقدان عضلات مهمه هي اللي مسؤله عن الخرق .... قال حده بالنص ده تدمير للجسم .... روحي لدكتور تغذيه بجد يعملك نظام ساليم وإعلمي أن أي شئ تدخل فيه الإنسان له أضرار مثل التكميم  

@Norhan شكرا يا حبيبتي هروح لحد تانى النهارده ان شاء الله وربنا هو الشافى ان شاء الله شكرا يا حبيبتي ربنا يفرح قلبك دايما يارب  

ڤانيليا العسل شكرا يا حبيبتي ربنا يصلح حالك يارب اللهم امين 🤲 

قلبي ♥️ 

السلام عليكم حبيبتي .. اسأل الله العظيم رب العرش العظيم ان يشفيكي .. بصي ياجميلة من الواضح انه اي حد مالوش ف الطب هيكون فاهم اكتر من الدكتور اللى رحتيله .. وزنك مش كبير نهائي .. ومش محتاجه تكميم .. ولو بحثتي وقريتي هتلاقي انه لو حولتي نظامك لنظام صحي زي الشوفان والرز البني والنشويات الصحيه وغيره من النظام الصحي ف دة كويس جدا للجسم .. حتى انه اساسا هو دة نظام الناس اللى عندها مقاومة انسولين .. ولكن نصيحتي ليكي روحي تابعي مع اخصائي تغذيه ويكون كويس جدا وتشوفي ريفيوهات الناس عنه قبل ماتروحى عشان دلوقتى بقا كتير اوى معتبرينها تجارة الا من رحم ربي .. وف النهايه اوعى اوعى اوعى تعملي تكميم انتى لو عملتيها هتبقي بتبهدلى صحتك مش بتعالجيها ..  

عمليه التكميم دي ممنوعه دوليا معدا مصر 😏 الاجانب بتيجي تعملها عندنا  

شكرا يا moaa شكرا يا حبيبتي ان شاء الله ربنا هيقدر الخير ان شاء الله مش هعملها اصلا بس استغربت من كلامه😳 

nasserw شكرا جدا ان شاء الله خير  

ام نوح حبيبتي تسلمى انا عارفه ان هى اصلا غلط وممكن تتعبنى بعدين ربنا يسترها يارب ويصلح الحال ان شاء الله  

شفاكي الله وعافاكي من كل سوء بصي كل الأعراض الي عندك اي حد بيبدأ يغير في طريقة اكله لازم يحصله كده رقيه بينسغ وبيهبط انا والله كانت ساعة بحس رجلي بترتعش الصبر وان شاء الله جسمك هيبدا يتأقلم علي النظام الجديد والتراكمي باذن الله هيىرجع لطبيعي اوعي تعملي تكميم